Descripción de O MOSQUITO.(O)
Un mosquito ofrécelle a súa axuda a un ancián que quere descubrir cal é a carne máis saborosa, e liberarse así dunha terrible serpe que o quere papar. A cambio, o vello dálle unha dentadura de ferro para que ningunha vítima se lle resista, pero o agudo insecto utilizaraa para satisfacer a súa voracidade desmedidaà En clave humorística, con este conto tradicional chinés, de carácter etiolóxico, descubriremos que o mosquito ten un grito de guerra: o seu zunido, e tamén cal é a razón de que ás serpes coman ratos e as andoriñas sexan amigas do home.