Descripción de HISTORIA CULTURAL DO CAMIÑO DE SANTIAGO
Un libro singular e necesario, o grande estudo de conxunto que se precisaba sobre a vía xacobea. Este libro é unha completa síntese das ducias de traballos parciais dedicados á arte e á cultura do Camiño, desde as súas orixes ata o noso século. A arquitectura e o urbanismo, a música e a literatura aparecen aquí sempre en relación co seu contexto histórico e ideolóxico, de xeito que poidan ser comprendidas en profundidade. Do mesmo modo, Singul analiza os efectos da cultura xacobea sobre a construción da propia cidade de Compostela e sobre a irradiación rural e urbana do fenómeno. Estamos perante un modelo de alta divulgación, que aproveitará tanto o estudoso como o lector común.