Descripción de A VERDADEIRA HISTORIA DE CARAPUCHIÑA VERMELLA (B.A.T.A)
Había unha vez unha nena chamada Carapuchiña Vermella. A súa avoa regaláralle unha capa vermella, cunha carapucha contra o frío. Un día, a súa mamá díxolle: Vai á casa da avoa, que está enferma... A verdadeira historia de Carapuchiña Vermella é un dos contos tradicionais máis coñecidos que se incorpora á colección Makakiños, onde tamén hai relatos de autor adaptados ao sistema de pictogramas, xunto coa serie Día a día, formada por guías de apoio que facilitan a autonomía e a intercomunicación coa contorna. Esta iniciativa pioneira impulsada pola Asociación BATA e KALANDRAKA permite achegar a lectura ás persoas con necesidades de apoio educativo e facerlles comprensible o mundo da fantasía, axudando a romper as barreiras da incomunicación.